in

बिस्कुट चाख्ने जागिर, तलब पाइन्छ यति धेरै

27 Oct 2010, Berlin, Germany --- Testers of the German Agricultural Society (DLG) are concerned with the quality of cookies in Berln, Germany, 27 October 2010. Besides the importance of looks and taste, is consistency and sound. Photo: Stephanie Pilick --- Image by © Stephanie Pilick/dpa/Corbis

हरेक मानिसको चाहना हुन्छ कि जीवनमा सजिलो जागिर पाइयोस् र तलब पनि मनग्गे होस् । तर सबैलाई सोँचेजस्तो जागिर कहाँ मिल्छ र ? जसोतसो जागिर गरिरहेकाहरु धेरैले दिउसोको खाजा खाने समयमा बिस्कुट र चिया खाने गर्दछन् हाम्रो देशमा । अर्थात् जागिरेहरुका लागि बिस्कुट सबैभन्दा चल्तीको खाजाको रुपमा रहेको छ हामीकहाँ । तर यो दुनियामा एउटा यस्तो जागिर छ जहाँ काम गर्नुपर्ने भनेको केवल बिस्कुट खाने मात्रै हो । अर्थात् जागिरले बिस्कुट खाने बाहेक अरु कामै गर्नु पर्दैन । र, तलब पनि एक वर्षमा ६० लाख रुपैयाँ जति कमाइन्छ ।

हो, दुनियामा एउटा यस्तो कम्पनी छ जसले बिस्कुट चाख्ने कर्मचारीहरुको खोजी गरिरहेको छ । कम्पनीले उत्पादन गरेका बिस्कुट चाख्ने काममा खटिने कर्मचारीहरुले तलबको रुपमा वार्षिक ६० लाख रुपैयाँ बराबरको रकम पाउनेछन् ।स्कटल्याण्डको बिस्कुट उत्पादक कम्पनी बोर्डर बिस्किटले कम्पनीका लागि मास्टर बिस्किटर पदको आवेदन माग गरेको छ ।

कम्पनीमा मास्टर बिस्किटर पदमा भर्ना हुनेको एकमात्र काम भनेको कम्पनीबाट उत्पादित बिस्कुटहरुको स्वाद चाख्नु हुनेछ । त्यसका लागि उसले वार्षिक ४० हजार ब्रिटिस पाउण्ड अर्थात् करीब ६० लाख रुपैयाँ तलब पाउनेछ ।बिस्कुट चखुवा पदमा भर्ना गर्नका लागि कम्पनीले विशेष योग्यता तथा रुचि भएका कर्मचारीको खोजी गरिरहेको छ । उक्त पदमा आवेदन गर्नका लागि इच्छुक उम्मेदवारसँग बिस्कुटको स्वाद तथा बिस्कुट उत्पादनका विषयमा गहिरो जानकारी तथा रुचि हुनुपर्नेछ भने नेतृत्व कौशल र वार्तालापमा पनि पोख्त हुनुपर्नेछ ।

साथै बिस्कुट चखुवा पदमा छनोट हुनका लागि उम्मेदवारले ग्राहकसँग उत्कृष्ट सम्बन्ध कायम गर्नका लागि उत्तम उपाय समेत सुझाउनु पर्नेछ ।कम्पनीका प्रबन्ध निर्देशक पल पार्किन्सका अनुसार उनले देशभरका मानिसहरुलाई आवेदनका लागि प्रोत्साहित गरिरहेका छन् । प्रारम्भिक छनोटमा परेका आवेदकहरुलाई अन्तरवार्ताका लागि बोलाइसकिएको पनि छ ।कम्पनीका एमडी पार्किन्सका अनुसार उक्त बिस्कुट चखुवाको जागिर पूर्णकालीन हुनेछ । वार्षिक ४० हजार पाउण्ड तलबका साथै बिस्कुट चखुवाले वर्षमा ३५ दिनको विदा समेत पाउनेछ ।

पार्किन्सका अनुसार बिस्कुट चाख्ने यो जागिर जो कोहीका लागि पनि आफ्नो सपनालाई यथार्थमा परिणत गर्ने एक अविश्वसनीय अवसर हो ।कम्पनीका हेड अफ ब्राण्ड सूजी कार्लाका अनुसार आफ्ना ग्राहकहरुका लागि सर्वश्रेष्ठ स्वाद तथा गुणस्तरयुक्त बिस्कुट उपलब्ध गराउन कम्पनी प्रतिबद्ध छ । सोही प्रतिबद्धतालाई मूर्तरुप दिनका लागि कम्पनीले मास्टर बिस्किटर पदमा कर्मचारी भर्ना गर्न लागेको हो ।

स्मरण रहोस् यसअघि क्याडबरी कम्पनीले सन् २०१९ मा यस्तै एउटा जागिर खुलाएको थियो । क्याडबरीले कम्पनीबाट उत्पादित चलकेटको स्वाद चाख्नका लागि चारजना चकलेट टेस्टर्सका लागि आवेदन माग गरेको थियो । एजेन्सी

What do you think?

Written by filmy news

Charli D'Amelio

१६ वर्षीया चार्ली टिकटकमा १० करोड पलोअर्स कमाउने पहिलो व्यक्ति

श्रीमतीको यौन चाहना पुरा गर्न नसकेपछि श्रमितीकै हत्या गर्ने