in

यो देशमा अन्धकार ल्याऊनेहरु धेरै छन् तिनीहरुलाई खोजी खोजी हटाउनु पर्छ – हरिवंश आचार्य

नेपाल विद्युत प्राधिकरणका कार्यकारी निर्देशक कुलमान घिसिङको कार्यकाल यही भदौ मसान्तमा सकिँदैछ । चार वर्षअघि जनार्दन शर्मा ऊर्जामन्त्री भएका बेला घिसिङलाई चार वर्षका लागि कार्यकारी निर्देशकमा नियुक्ति गरिएको थियो ।

 

अहिले ऊर्जामन्त्री वर्षमान पुन छन् । अहिले नेकपाको सरकार छ । घिसिङलाई नियुक्ति नगर्ने, अर्कैलाई गर्ने भनेर सरकारले निर्णय गरेको पनि छैन । तर, सामाजिक सञ्जालमा व्यापक रूपमा घिसिङको ठाउँमा अर्कोलाई कार्यकारी निर्देशक नियुक्ति गर्न थालियो भन्दै ‘कुलमान घिसिङ चाहिन्छ’ भन्ने अभियान चलाइएको छ । घिसिङकै कारण दैनिक १८ घन्टासम्म हुने लोडसेडिङ घटेको आमजनताको बुझाई छ ।

 

यसैगरि कलाकार हरिवंश आचार्यले पनि सामाजिक सञ्जालमा विद्युत प्राधिकरणका प्रमुख कुलमान घिसिङलाई समर्थन जनाएका हुन् । साथै कलाकार आचार्यले यो देशमा अन्धकार ल्याऊनेहरु धेरै छन् तिनीहरुलाई खोजी खोजी हटाउनु पर्ने र उज्यालोमा ल्याउनेलाई सम्मान गर्नुपर्ने बताएका छन् । उनले फेसबुकमा कुलमानको तस्बिर राख्दै लेखेका छन्

‘यो देशमा अन्धकार ल्याऊनेहरु धेरै छन् तिनीहरुलाई खोजी खोजी हटाउनु पर्छ
ऊज्यालो ल्याउनेलाई सम्मान गरौ । उहॅाको ऊर्जाले देशको ऊर्जा बढ्छ ।’

What do you think?

Written by filmy news

‘कुलमान’ जस्ता कुशल मान्छे हिजो चाहिन्थ्यो, आज चाहिन्छ र भोलि पनि चाहिने छ – गायक रामकृष्ण ढकाल

राजेश हमालले कोरोनाका कारण प्रभावित भएका चलचित्र प्राविधिकहरुलाई ५ लाख सहयोग गर्ने