in , ,

राज्यको मुख्य नीति राम्रो भएन भने देश प्यारालाइसिस अवस्थामा हुन्छ-राजेश हमाल(भिडियाेसहित)

अभिनेता राजेश हमालले अहिलेको अवस्थामा आफू राजनीतिमा आउन नचाहेको प्रतिक्रिया दिएका छन् । आज ९आइतवार० राजधानीमा नेपाल इन्टरनेशनल फिल्म फेस्टिभलले आयोजना गरेको मेरो कथा सेसनमा बोल्दै हमालले तत्कालको अवस्थामा राजनीतिमा आउन नचाहेको बताए ।

 

हमालले राजनीति भनेको राज्यको मुख्य नीति भएकाले यसमा चासो राख्ने र हरेक कुरा राजनीतिसँग जोडिने धारणा राखे । उनले राजनीति राज्यको मेरुदण्ड भएको प्रतिक्रिया समेत दिए ।‘राजनीति भन्ने कुरा नगर्ने भन्ने हुँदैन, राज्यको हरेक कुरा राजनीतिसँग जोडिएको हुन्छ, राजनीति भनेको हाम्रो मेरुदण्डजस्तै हो,’ हमालले भने, ‘राज्यको मुख्य नीति राम्रो भएन भने देश प्यारालाइसिस अवस्थामा हुन्छ ।’

 

उनले आफू कुनै बेला राजनीतिक रुपमा पनि सक्रिय रहन सक्ने पनि संकेत गरे । ‘राजनीति क्षेत्रमा कहिल्यै पनि आउँदैन, यो मेरो क्षेत्र हो भनेर पनि भन्दिनँ किनकि भोलि राजनीतिमा गएँ भने मैले जान्नँ भनेको कुरा उठ्ला,’ हमालले भने ,पछिल्लो समय हमाल फिल्म क्षेत्रमा भने खासै सक्रिय छैनन् । हमालले आफूलाई कैयाैं फिल्मबाट भूमिकाका लागि अफर आएको तर राम्रो फिल्मको पर्खाइमा रहेको बताए । उनले आफैले कुनै फिल्मको तयारी गरिरहेकोतर्फ संकेत गर्दै भविष्यमा कुनै फिल्म ल्याएर आउन सक्ने समेत बताए

What do you think?

Written by Filmy News

‘सेन्टी भाइरस’ काे ‘आफ्नो पार्टी जिताइदे’ गीत सार्वजनिक

नेपाली गायक दिवेश पोखरेल छानिए अमेरिकन आइडलमा